Parlamenti i Shqipërisë në muajin shkurt 2008, miratoi Ligjin për Nënshkrimin Elektronik, dhe në muajin maj 2009, Këshilli i Ministrave miratoi rregulloren për Nënshkrimin Elektronik dhe atë të Tarifave. Ligje të tjera që janë, apo do të miratohen në të ardhmen, si ato për prokurimet publike me mjete elektronike, tregtinë elektronike (e-commerce), qeverisjen elektronike (e-government), dokumentin elektronik (electronic document) etj. si dhe përdorimi i kartës së identitetit me kapacitetet që disponon, do të mundësojnë përdorimin në shkallë të gjerë të nënshkrimit elektronik.

Ligji, rregullorja dhe udhëzimet e tjera teknike i referohen Direktives së Këshillit Evropian 1999/93/CE. Kjo direktivë, i cila u aprovua në vitin 1999 nga Këshilli dhe Parlamenti evropian, krijoi kornizën ku u mbështet i gjithë legjislacioni për nënshkrimin elektronik në vëndet anëtare të Bashkimit Evropian. Kjo Direktive lehtësoi bashkëpunimin, dhe formoi një sistem i përbashkët referimi mes vëndeve anëtare të BE dhe zones ekonomike evropiane.

Direktiva 1999/93/CE, jo vetëm që është e dobishme për t'u ndjekur, sepse është punuar nga specialistët e vëndeve më të përparuara në këtë fushë, por është shumë e rëndësishme për çdo vënd që është kandidat për të aderuar në BE.

• Ligji Nr.9880, datë 25.02.2008, "Për nënshkrimin elektronik."
• Ndryshim i Ligjit Nr.9880, datë 25.02.2008, "Për nënshkrimin elektronik."
• VKM Nr. 525, datë 13.05.2009, "Rregullore për nënshkrimin elektronik."
• VKM Nr. 503, datë 13.05.2009, "Për tarifat e shërbimeve që ofrohen nga AKCE."
• Urdher i Kryeministrit per Strukturen e Organizimin e AKCE.
• VKM Nr.1041,datë 14.10.2009, "Për kalimin e AKCE në varësi të Ministrit të Shtetit."
• Direktiva 1999/93/EC, "Për Nënshkrimet Eletronike."
• Direktiva 2000/709/EC, "Për Organizmin e Testimit dhe Konfirmimit."

Në zbatim të Ligjit dhe VKM, Autoriteti ka nxjerrë dokumente strategjike, të cilët do të jenë udhëzues me vlerë për të gjithë ato që do të japin produkt ose përdorin nënshkrimin elektronik. Këto materiale gjenden në format PDF në rubriken Informacion.

faqja tjeter-Standarde

Standardet përgjithësisht të njohura nga komuniteti evropian për shërbimet në fushën e certifikimit elektronik jane përcaktuar nga ETSI dhe CEN. Sipas kategorisë këto vijojnë si më poshtë :
- Parimet organizative dhe operacionale të OSHC, të jenë konform specifikimeve të dokumentit ETSI TS 101 456; Përdorimi i vulave kohore, të jetë konform specifikimeve të dokumentit ETSI TS 102 023;

më shumë »