Në muajin Qershor 2010, Autoriteti Kombëtar për Certifikim Elektronik organizoi aktivitetin “Mbi Nënshkrimin dhe Dokumentin Elektronik”. Në ketë aktivitet morën pjesë përfaqësues të gjithë komunitetit të TIK, si drejtues së sektorëve të informatikës së ministrive, sistemit bankar, shoqërive të ndryshme të sigurimeve, përfaqësues të universiteteve, Shoqata Shqiptare e Teknologjisë se Informacionit (AITA), ekspertë të huaj si Kryetari i Forumit Evropian për Autoritetet Mbikëqyrëse (FESA) të nënshkrimeve elektronike z. Silvester Adam dhe përfaqësues të Postes Italiane. Qëllimi i aktivitetit ishte njohja me ligjet për nënshkrim dhe dokumentin elektronik dhe promovimi i përdorimit të nënshkrimeve elektronike në Republikën e Shqipërisë.

Në muajin Dhjetor 2010, Autoriteti Kombetar per Certifikimin Elektronik (AKCE) organizoi aktivitetin me temë “Një internet më i sigurt përmes kooperimit”. Aktiviteti u zhvillua ne bashkëpunim me AKSHI-n dhe me pjesemarrjen e përfaqësuesve të shoqërisë së informacionit, të Internet Service Provider-ve në vend, operatorë të telefonisë celulare,  përfaqësues të bankave, si dhe grupe të tjera interesi.
Në aktivitet u mbajtën prezantimet “Nënshkrimi  elektronik një instrument për komunikim më të sigurtë” z. Eris Asllani (AKCE), “Roli i institucioneve në krijimin i një ambienti më të sigurtë online/ krijimi i CERT“, z. Fisnik Kruja (AKSHI), “Eksperienca e vendeve të tjera në krijimin e një ambienti më të sigurtë online, kodet e etikës/sjelljes”  nga znj. Irena Malolli (AKSHI). Gjathashtu, Komisioneria për Mbrotjen e të Dhënave Personale, znj.Flora Cabej,  theksoi rëndësinë e rregullimit të  kuadrit ligjor dhe ndërgjegjësimit të opinionit publik, për sigurine e internetit.

Në muajin Tetor 2011, Autoriteti Kombetar per Certifikimin Elektronik (AKCE) zhvilloi ceremoninë e dorezimit të cmimeve për studentë të Fakultetit të Shkencave Natyrore, punimet Master me temë Nënshkrimin Elektronik. Të pranishëm në këtë aktivitet ishin Ministri për Inovacion dhe TIK z.Genc Pollo, Drejtori i Autoritetit Kombëtar për Certifikim Elektronik z.Sadi Hoti, Dekani i Fakultetit të Shkencave Natyrore z.Ilirian Malollari dhe të ftuar të tjerë. Si institucioni mbikëqyrës dhe rregullator i nënshkrimeve elektronike, AKCE kryen edhe promovimin, nxitjen e përdorimit dhe sensibilizimin për rëndësinë e komunikimeve elektronike të sigurta. Për këtë, AKCE dhe Fakulteti i Shkencave Natyrore, Departamenti i Informatikës, nënshkruan para disa muajsh marrëveshjen nga e cila buron edhe konkursi që sapo përfundoi.